Казанда III Бөтендөнья татар хатын-кызлары съездының пленар утырышы башланып китте.
Съездның пленар утырышын Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Габтелгаяз улы Шәйхразыев алып бара. Ул делегатларны һәм чакырылган кунакларны сәламләде.
– Хәерле көн, хөрмәтле III Бөтендөнья татар хатын-кызлары съезды делегатлары һәм чакырылган кунаклар! Сезне татар дөньясының мәркәзе булган Казаныбызда ихлас күңелдән сәламлим! Бөтендөнья татар конгрессы карары нигезендә дүрт ел саен уза торган әлеге мәртәбәле чарада быел илебезнең 53 төбәгеннән һәм 11 чит илдән барлыгы 510 делегат һәм шәрәфле кунак катнаша, – диде ул.
