Татарстан Республикасы Премьер-министры урынбасары, Бөтендөнья татар конгрессының Милли Шурасы рәисе Васил Шәйхразыев  “Татнефть” ширкәте генераль директорын Наил Магановны юбилее белән котлады. Аңа бүген 65 яшь тулды.

Милли Шура рәисе Наил Магановка нык сәламәтлек, күңел тынычлыгы, озын гомер һәм татар милләтенә хезмәт итү юлында зур уңышлар теләде. Шулай ук Васил Шәйхразыев “Татнефть” ширкәте генераль директорына Йолдыз (Эчкен) авылында янгыннан зыян күрүчеләргә йортлар төзегәне өчен рәхмәт белдерде.

Исегезгә төшерәбез, “Татнефть” ширкәте Йолдыз авылында үз хисабына 18 йорт төзеп бирәчәк. Бу йортлар под ключ проекты белән эшләнә.