Бүген Ульяновск шәһәрендә өлкә Татар мәдәнияте үзәгенең 25 еллыгына багышланган тантаналы чара узды. Тантананың мәртәбәле кунаклары арасында Татарстан Республикасы Премьер-министры урынбасары, Бөтендөнья татар конгрессы Милли Шура рәисе В.Г. Шәйхразыев һәм Ульяновск өлкәсе Губернаторы С.И. Морозов бар иде. Бәйрәмнең рәсми өлеше башланганчы кунаклар татар мәгърифәтчесе, шагыйрь Кол Гали һәйкәленә чәчәкләр салу тантанасында катнаштылар.

Чарага Ульяновск өлкәсенең мәдәният һәм сәнгать эшлеклеләре, төрле еллардагы татар мәдәнияте үзәге хезмәткәрләре чакырылган иде. Мәдәният үзәген юбилей белән «Идел» халык бию ансамбле коллективы, Татарстан Республикасының атказанган артисты, Ульяновск өлкәсенең «Волга» Дәүләт җыр һәм бию ансамбле солисты Әлфия Рамазанова һәм ансамбль солисты Руслан Мөхәммәтҗанов котладылар. Шулай ук әлеге чара кысаларында Милли Шура рәисе В.Г. Шәйхразыев җирле активистларны Бөтендөнья татар конгрессы медальләре белән бүләкләде һәм Мәдәният үзәгенә баян алу өчен сертификат тапшырды.

Белешмә өчен:

Татар мәдәнияты үзәге – милли мәдәниятләрне торгызу һәм үстерү үзәге-Татар милли-мәдәни автономиясе филиалы. 25 ел дәвамында учреждение шәһәр һәм өлкәнең мәдәни-ял итү үзәге булып тора һәм ул өлкә, шәһәр чараларын уздыру базасы булып тора. Аның төп максаты-татар мәдәниятен үстерү, туган телне, гореф-гадәтләрне, гореф-гадәтләрне, ял рәвешләрен, татар халкының тарихи хәтерен саклап калу, этник берләшмәләрне, мәдәниятара диалогны ныгыту.

Бүген Татар мәдәнияты үзәгендә җиде түгәрәк, өч иҗтимагый оешма эшли, аларда 135 кеше шөгыльләнә, бер коллектив «халык» исеме дәрәҗәсе ия. Үзәкнең директоры-Сафина Рамилә Хәйдәр кызы.