Татарстан Республикасы Премьер-министры урынбасары, Бөтендөнья татар конгрессының Милли Шура  рәисе Васил Шәйхразыев Кемерово шәһәренә эшлекле сәфәре барышында Кузбасс Губернаторының беренче урынбасары – Кемерово өлкәсе Хөкүмәте рәисе И.В. Середюк белән киләсе 2023 нче елда Кемерово шәһәрендә узачак XXIII Федераль Сабантуй һәм III Халыкара шахтерлар Сабан туе узачак урыннар белән танышты.

Сабантуй 2023 нче елның 30 нчы июнь – 1 нче июль көннәрендә узачак.

2 нче ноябрьдә Кемерово шәһәрендә 2023 елда узачак XXIII Федераль Сабан туена әзерлек һәм аны үткәрү буенча оештыру комитеты утырышы булып узган иде.