13-15 октябрь көннәрендә дөньякүләм татар теленнән белем тикшерү –“Татарча диктант” акциясе уза. Әлеге чарада һәр теләгән кеше катнаша ала. Быел “Татарча диктант” сигезенче тапкыр оештырыла. Елдагыча Биектау районы да акциягә кушылды. Һәр белем бирү оешмасы базасында мәйданчыклар оештырылды. Акциянең беренче көнендә үк инде Биектау районы буенча 800гә якын катнашучы теркәлде.