“Мишәр” ансамбленең 40 еллык тарихы бар. Аның җитәкчесе Чувашия татарларының милли-мәдәни мохтарияте җитәкчесе Фәрит Гыйбатдинов иде. Ул онытылган җырларны, йолаларны өйрәнеп, коллектив белән берлектә халыкка кайтарды.  Ансамбльне Чувашия, Татарстанда гына түгел, ил күләмендә, чит илләрдә дә яхшы беләләр. Коллективта төрле буын вәкилләре чыгыш ясый. Балалар һәм яшьләр өчен “Тамчы” ансамбле эшләп килә. “Мишәр” ансамбле үз репертуарына борынгы җырлар, биюләрне кайтаруны максат итеп куйган иде. Бу эшне урмайлылар уңышлы гына башкарып килә. Видеоязманы карарга тәкъдим итәбез.