Җәмгыятьтә һәм кеше тормышында аерым шәхесләрнең роле, аларның иҗтимагый хәрәкәттәге эшчәнлеге зур урын алып тора. Алар байтак эшләрне үзләре үк башлап йөри, оештыра, кайчандыр хыялда гына булган теләкләрне тормышка ашыра. Шундый сирәкләрнең берсе Чувашстанның Яңа Чабаксар шәһәре мәчете имам-хатыйбы Минкадыйр хәзрәт Рәҗәпов. Ул моннан 20 ел элек беренче тапкыр шәһәрдә яшәүче татарларны җыеп мәхәллә оештыра, мәчет төзү эшенә алына, мәчет каршында гарәп һәм татар телләрен өйрәнү дәресләрен дә җайга сала… Безнең хәбәрчебез Рамис Сафин Яңа Чабаксарда булып Минкадыйр аганың гаилә тормышы һәм иҗтимагый эшчәнлеге белән танышып кайтты.