Октябрь – өлкәннәр ае. Тапшыруның кунагы – 101 яшьлек Маһинур Шәймөхәммәт кызы Тимершина. Татарстанның Әгерҗе районы Уразай авылында туып үскән. Сугыш чорында Казанда шәфкать туташы булып хәрби госпитальдә авырулар дәвалаган. Сугыштан соң туган ягында төрле эшләрдә хезмәт иткән. Ике бала әнисе. Бүген Маһинур апа Тимершина күпсанлы оныклары һәм оныкчыклары белән Ижау шәһәрендә гомер итә.