Иң көчле көрәшчеләр һәм танылган артистлар катнашындагы тантана Пирамидада узды. Елның беренче турнирына – гадәттәгечә, Сабантуй батырлары, көрәш буенча халыкара һәм илкүләм ярышларда җиңүчеләр җыела. “Манзара” милли рухта үтте: бил алышулар монда татар җырлары белән үрелеп бара. Җиденче ел ул көрәшчеләрне таныта, яңа исемнәрне барлый. Чемпион билбавы өчен безнең республикадан, Башкортстан һәм Удмуртиядән 16 спортчы көч сынашты.