Имамнарның халык арасында абруен күтәрергә, аларның эшчәнлеген мәчетләрдән тыш балалар, яшьләр һәм җирле хакимият органнары белән эшләү ысулларын да җайга салырга. Мордовия мөселманнарының Диния назарәте оешуга 20 тулу уңаеннан узган фәнни-гамәли конференциядә чыгыш ясаучыларның байтагы әнә шул мәсьәләләргә басым ясадылар. Саранскида илебезнең уннан артык төбәгеннән килгән Ислам дине белгечләре, галимнәр катнашында узган чарада яңгыраган кайбер фикер-тәкъдимнәрне үз хәбәрчебез Рамис Сафин да тыңлап кайтты.