Россия фәннәр академиясенең әгъза корреспонденты, филология фәннәре докторы, профессор, Россия табигать фәннәре академиясе академигы, Татарстанның, Башкортстанның һәм Калмыкиянең атказанган фән эшлеклесе…Бу исемлекне әле тагын озак итеп дәвам итеп булыр иде. Сүзебез дөнья күләм танылган тел галиме Әдһәм Тенишев турында бара. Пенза төбәгендә туып-үскән данлыкы тюркологның тууына 100 ел тулуга багышлап аның якташлары фәнни-гамәли конференция уздырды. Өлкә губернаторы катнашында узган әлеге зур чарадан безнең хәбәрчебез Рамис Сафин репортажы.