Республикабызда гына түгел, илебезнең милләттәшләребез яши торган байтак төбәкләрендә хәләл ризык җитештерүче дистәләгән цехлар, предприятиеләр эшли. Соңгы елларда анда хәләл кибетләр, кафе, рестораннар ачылу да гадәти күренешкә әйләнеп бара. Шунысы да игътибарга лаек, эшмәкәрләр аларга исемнәрне дә нәкъ безнеңчә, татарча бирәләр. Татарстаннан читтә булганда “Сәфәр”, “Якташ”, ”Чишмә”, “Юлдаш” кебек элмә такталарны күрергә була… Ә күптән түгел генә Пенза шәһәрендә эшмәкәр Бакир Акҗегетов “Кунак” дигән хәләл кафе ачты.