Тагын 6 көннән Рамазан ае башлана. Беренче тәравих-намазы 10нчы мартта укылачак, унбере уразаның беренче көне. Татарстан Диния нәзарәтендә Рамазанга әзерлек турында сөйләделәр. Быел да кеше күп йөри торган урындагы биналарны бизәү буенча конкурс оештырыла. Рәсемнәр дини темага багышланган булырга тиеш. Җиңүче Хаҗга юллама белән бүләкләнәчәк. Быел Республика ифтары ничәсенә билгеләнгән? Ни өчен иң моңлы тавышлы егетләрне эзлиләр?