Моннан 5 ел элек Татарстан рәсми рәвештә, татар токымлы атларны теркәде. Алар дәүләт реестрына кертелде һәм патентка ия булды.

Быел ахырына кадәр Республикада атчылык буенча дәүләт программасы кабул ителергә тиеш. Шигебез юк, татар атларының баш санын арттыру бурычы анда кертелер. Чөнки Республикада юкка чыгып беткән токымны кайтару, мең башка җиткерү – дистә елларга сузылган хезмәт була. Монда тарихчылар да җәлеп ителә, экспертиза да кирәк була, шушы бөек хыял белән яшәгән кешеләрсез дә булмый.