Быел Татарстан үзенең Белоруссиядәге вәкиллеген яңадан эшләтеп җибәрергә планлаштыра.

Белоруссиядә сигез мең ярым татар яши. Ун мәчет эшли, Минскида 25 ел элек ачылган “Чишмә” иҗтимагый оешмасы бар. Быел монда Сабантуйны зурлап үткәрергә җыеналар. Тагын бер үзенчәлекле проект – 16 гасырда төзелгән мәчетне төзекләндерү. Көн кадагында торган проблема – тел югалу. Ул иртәгеге көн түгел, ә бүгенге чынбарлыкка әйләнеп бара.