Татар әдәбияты классигы Галимҗан Ибраһимов язганча, нәкъ менә андый кешеләр турында “…тормышның төбеннән күтәрелгән”диләр. Сүзебез Ульяновск өлкәсенең Мәләкәс районы Мукшы күле авылында яшәүче, авыл мәчете имамы, Россиянең атказанган укытучысы Гыймран ага Хисмтуллов турында бара. Гомере буе туган авылында башта клуб мөдире, аннары авыл советы рәисе, мәктәп директоры булып эшләгән Гыймран ага бүген мәчеттә имам вазыйфаларын башкара. Безнең хәбәрчебез Рамис Сафин әле яңа гына 75 яшьлеген билгеләп узган ил агасы янында булып аның күпкырлы эшчәнлеге белән танышып кайтты.