Ул республикабызның Чүпрәле районында туа, Ульяновск шәһәрендә яши һәм эшли, ә гомере туган якларыннан еракта- таулы Кавказда 32 яшендә өзелә… Сүзебез моннан 22 ел элек Чечняда һәлак булган, “Батырлык” ордены кавалеры Илмас Нуртдинов хакында бара. Чүпрәле районы администрациясе Ульяновск татар автономиясе белән берлектә батыр якташлары истәлегенә Ульяновскида ул яшәгән йортка мемориаль такта ачтылар. Теманы Рамис Сафин дәвам итә.