Заволжье районының “Ак калфак”” оешмасы хәрби махсус операциядә катнашучылар өчен гуманитар ярдәм җыюда беренче көннән үк теләп кушылды. Алар булышуның төрле юлларын эзли. Маскировкалы сеткаларның сугыш зонасындагы иң мөһим әйберләрнең берсе булуын аңлап, үз көчләре белән бу эшкә алындылар.
“Үзебезнекеләрне ташламыйбыз”, – дип әйтә оешма рәисе Гөлшат ханым Шарафутдинова.
Махсус маскировка сеткасы хәрбиләрнең гомерен саклап кала ала. Алар алгы сызыктагылар өчен бик тә кирәк.Күңел җылысын кушып үргән сеткалар егетләргә көч өстәп, хәвеф-хәтәрдән сакласын иде.
