2023 елның 7-8 июль көннәрендә Россия Федерациясе Чиләбе өлкәсенең Троицки шәһәрендә танылган галимнәр, Дәүләт вәкилләре, дин әһелләре катнашында «Рәсүлев укулары: Рәсәйнең тарихында һәм бүгенгесендә ислам» темасына IV Халыкара һәм XIII Бөтенроссия фәнни-гамәли конференция булып узды.
Әлеге зур чарада Зөфәр Вәлиәхмәтов җитәкчелегендәге Бөтендөнья татар конгрессы делегациясе дә катнашты. Аның составында Казан шәһәренең Апанай мәчете имам-хатыйбы Нияз хәзрәт Сабиров һәм Апанай мәдрәсәсе мөдире Әхмәт хәзрәт Сабыр да бар иде.
