Биектау муниципаль районы (Татарстан) “Ак калфак” оешмасы Мәмдәл урта мәктәбендә татарның милли ризыклары буенча әңгәмә уздырды һәм мастер-класс күрсәтте.

Оешманың рәисе Шакирова Г. татарларның милли ризыклары,аларны кайсы очракта пешергәннәре һәм кулланганнары турында сөйләде. Шул ук вакытта башка милләтләрнең дә ризыклары буенча укучыларга сораулар бирде.

Әңгәмә тере мисаллар өстендә барды,ягъни милләтебезнең бер ризыгы булып исәпләнгән – “Тутырылган тавык” укучыларга тәкъдим ителде. Мастер-классны укучылар гына түгел,укытучылар да кереп карадылар. Пешекче Сираҗиева Гөлгенә иң элек тавыкны ничек әзерләргә икәнен сөйләде һәм аннан соң тавыкны пешереп,пешеп чыккач укучыларны һәм кунакларны сыйлады.