Шулай дип әйтүебез билбаулы көрәш буенча дөнья кубогы иясе, Европа чемпионатының көмеш призёры, ике тапкыр Россия һәм ике тапкыр Уразавыл сабан туе чемпионы, Халыкара класслы спорт ма­стеры, сафаҗайлы Ринат Рөстәм улы Сәбитов турында. Ул көрәш карьерасын тәмамлады дип, күптән килешкән иде инде безнең та­тар көрәшен яратучылар. Әмма ләкин талантлы һәм тәҗрибәле көрәшчебез Бөтендөнья ярышлары келәмендә күрсәтмәле триум­фаль чыгыш ясап, берәү дә көтмәгән җирдән ике алтын медаль яу­лап кайтты.

4-8 октябрь көннәрендә Чувашстан Республикасы башкаласының “Чебоксар Арена” боз сараенда үткән бергә-бер милли көрәш төрләренең I Бөтендөнья уеннары 25 илдән 2 мең тирәсе спортчы­ны җыйган иде. Безнең өлкә милли көрәш федерациясен бу ярыш­ларда Сафаҗайдан бертуган Ринат һәм Ришат Сәбитовлар күрсәтте һәм икесе дә зур уңышларга иреште. Ришат 90 кг авырлыкта ал­тын медаль яулаган булса, абыйсы Ринат 100 кг кадәр һәм абсолют категориядә чемпион булды.

Ринат һәм Ришат Сәбитовларны шушы җиңүләре белән ихластан котлыйбыз!

 Илнар САДЕКОВ