«Җылак» фильмы Әзһәр Шакировның туган көнендә – 22 февральдә прокатка чыкты. Фильмны Россиянең барлык заманча кинотеатрларында карарга мөмкин. Бүген Бөтендөнья татар конгрессы хезмәткәрләре фильмны Галиәсгәр Камал исемендәге Татар дәүләт академия театрында карадылар. Шулай ук Бөтендөнья татар конгрессы Башкарма комитеты җитәкчесе Данис Шакиров Әзһәр Шакировны туган көне белән котлады һәм истәлекле бүләк тапшырды.

«Җылак» («Плакса») — Татарстан режиссёры Алмаз Нургалиевның танылган татар актёры Әзһәр Шакиров турында төшерелгән биографик нәфис фильмы.Фильм үзендә псевдодокументаль элементларны берләштерә һәм 40 ел Г.Камал театры сәхнәсендә хезмәт иткән артистның язмышы турында сөйли.