Быел татар телендәге беренче матбугат — басма календарьлар барлыкка килүгә 150 ел тула. Татар дөньясында аларны беренче булып мәгърифәтче, язучы Каюм Насыйри чыгарган. Аның календарьләре татар телендә фәнни-популяр һәм иҗтимагый-публицистик стильләрне ныгытуга зур йогынты ясаган. Беренче татар календарьләре үрнәкләре белән Татарстан Милли китапханәсенең икенче каттагы уку залында, махсус күргәзмәдә танышып була.
