Кичә Казан шәһәрендәге “Корстон” сәүдә- күңел ачу үзәгендә “Татар мамык шәле” коллекциясен тәкъдир итү кичәсе узды. Шәрәфле кунаклар арасында республика җитәкчелеге, татар эшкуарлары иде.
Татарстан Республикасы Премьер-министры урынбасары, Бөтендөнья татар конгрессының Милли Шура рәисе В. Г. Шәйхразыев исеменнән чарада катнашучыларны БТК Башкарма комитеты җитәкчесе Д. Ф. Шакиров сәламләде.
Искәртеп узабыз, “Татар Мамык Шәле” брендын булдыручылар – Оренбург өлкәсеннән Әбсәләмовлар гаиләсе. Әлеге бизнес белән милли җанлы гаилә 23 ел дәверендә шөгылләнә.
