Август аенда Чаллының “Күңел” радиосы коллективы 60 сәгатьлек радиомарафон уздырып Дөнья рекорды куймакчы була. Бу турыда алып баручы Алинә Вәлиева җиткерде.
Исегезгә төшерәбез, “Күңел”нең быел 25 еллык юбилее кысаларында коллектив радио-марафон уздырды.
Алып баручылар Алинә Вәлиева, Ришат Хаҗиев, Алмаз Хәйретдинов 30 сәгать дәвамында туктаусыз туры эфирда эшләделәр. Монда алар танылган җырчылар белән кызыклы әңгәмәләр, җанлы концертлар үткәрделәр.
