Татарстанның Министрлар Кабинеты Пермь краенда Бөтенроссия авыл Сабан туена әзерлек һәм аны уздыру буенча оештыру комитеты төзергә кушты. Ул 2024 елда узачак.
Документны кичә Татарстанның Премьер-министры Алексей Песошин имзалаган.
Оештыру комитеты 2024 елның 1 маена кадәр Барда авылында Сабантуй үткәрү буенча чаралар планын эшләргә һәм расларга тиеш.
Боерыкның үтәлешен контрольдә тоту республиканың вице-премьеры Васил Шәйхразыевка йөкләнә.
«Татар-информ» Татарстанның төрле шәһәрләрендә үтәчәк Сабантуйлар исемлеген әзерләгән иде. Милли бәйрәмне киләсе ялларда ук билгеләп үтә башлыйлар.
