Татарстан Республикасы Премьер-министры урынбасары, Бөтендөнья татар конгрессы Милли Шура рәисе Васил Шәйхразыевның Башкортстан Республикасына эш сәфәре дәвам итә. Бүген ул Башкортстан Башлыгының администрация җитәкчесе Александр Сидякин белән очрашты.

Очрашу барышында җитәкчеләр ике республиканың хезмәттәшлеген ныгыту мәсьәләләре хакында фикер алышты. Шулай ук Даян Мурзинга һәйкәл кую, Г. Тукай белән М. Гафуриның Уфада очрашуына 110 ел тулуы хакында сөйләштеләр.