Татарстан Премьер-министры урынбасары, Милли Шура рәисе Васил Шәйхразыев Әстерхан өлкәсендә эш сәфәрендә. Бүген биредә өч мәйданда Сабан туе уза. Башта Васил Шәйхразыев Әстерхан өлкәсе губернаторы Игорь Бабушкин белән Канга авылында  үткәрелүче милли бәйрәмебезгә килде. Биредә аларны кунакчыл Әстерхан татарлары каршы ала. Вице-премьер һәм губернатор Сабан туе мәйданы белән танышып чыкты.

Милли Шура рәисе Васил Шәйхразыев, мәйданга җыелучы халыкны сәламләп,  Татарстан җитәкчелеге исеменнән котлауларын җиткерде. Канга авылы Сабан туе мәйданына җыелган халыкны Әстерхан өлкәсе губернаторы Игорь Бабушкин да сәламләде. Васил Шәйхразыев татар милли-мәдәни хәрәкәтендә актив эш алып барган милләттәшләребезгә Бөтендөнья татар конгрессының рәхмәт хатларын тапшырды.