Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыевның Әстерхан өлкәсенә эш сәфәре дәвам итә.

Бүген Началово авылында Милли Шура рәисе Идел буе районы авыллары башлыклары белән очрашты. Чарада Идел буе районы башлыгы Дмитрий Мазаев катнашты. Васил Шәйхразыев катнашучыларны Бөтендөнья татар конгрессы эшчәнлеге белән таныштырды. Шулай ук алар Әстерхан өлкәсендә узачак XIII Бөтенроссия авыл Сабан туена әзерлек хакында фикер алыштылар.