Бүген, Омск өлкәсенә эшлекле сәфәр кысаларында, Татарстан Премьер-министры урынбасары, Милли Шура рәисе Васил Шәйхразыев Омск өлкәсенең «Мәдәният» «Региональ татар милли-мәдәни автономиясе иҗтимагый оешмасы» офисы белән танышты.

Омск өлкәсенең «Мәдәният» «Региональ татар милли-мәдәни автономиясе иҗтимагый оешмасы» 1998 елның мартында оештырыла. Автономиянең беренче җитәкчесе Садыйков Хәким Кадым улы була. 2017 елдан автономияне Миңнеханов Радик Миңнегали улы җитәкли. Әлеге оешма составына «Алмаз» халык иҗаты студиясе, «Мәгариф» уку-укыту эшчәнлеге үзәге, Татар яшьләр үзәге, балалар татар сәнгате студиясе, Омск өлкәсе районнарының татар мәдәният үзәкләре керә.