“Дөнья” студиясендә кунакта – Татарстанның атказанган мәдәният хезмәткәре Азат Нургалиев. Бик тыйнак кеше ул. Гаҗәеп моңлы тавышы үзенә әсир итә. Җырчы булып китсә, һичшиксез танылыр иде. Ләкин бик принципиаль кеше. “Мин иҗат юлын сайларга теләмәдем. Сәхнә куркыныч урын, ул һәркемне кабул итми,”-ди Азат абый. Шулай дисә дә, үзе гомер буе иҗат юлында. Актаныш районында туып-үскән егет гомерен мәдәният йортларында эшне оештыруга багышлый. Әңгәмәне карагач, Азат Нургалиев иҗаты һәм тормышы белән якыннанрак танышырсыз.