Узган гасырның 90 нчы елларында илебездә яңа үзгәрешләр башланып, милли сәясәттәге күтәрелеш чорында милләттәшләребез яши торган байтак төбәкләрдә татар җәмгыятьләре, автономияләр һәм үзәкләр оешты. Аларга халыкны җәлеп итү, оешманы теркәү һәм беренче чаралар уздыру эше белән шундагы милләт җанлы, зур оештыру сәләтенә ия булган кешеләр шөгылләнә башлады. Шундыйларның берсе Ульяновск өлкәсендәге Димитровград шәһәренннән Фәрит Хәлиуллин иде. Ни кызганыч, узган атнада Сембер төбәге татар җәмәгатьчелеге әле 60 яше дә тулмаган милләттәшебезне соңгы юлга озатты. Теманы Рамис Сафин дәвам итә.