2021 нче ел Татарстанда Туган телләр һәм халыклар бердәмлеге елы дип игълан ителде. Шул уңайдан, Бөтендөнья татар конгрессының Башкортстандагы вәкиллеге Башкортстанда туып үскән татар шагыйрьләренең туган җиргә, туган телгә бәйле иҗат җимешләрен “Кем син?” исемле видеопроектта берләштерде. ⠀ Бүген игътибарыгызга “Сәхибҗамал” татар хатын-кызлары иҗтимагый оешмасы рәисе, Русия Федерациясенең гомуми белем бирүнең Мактаулы хезмәткәре Флүсә Сөләйман кызы Назаргулованың “Адашкан башкорт түгел мин” шигырен тәкъдим итәбез.