Татарстанда гына түгел, илебезнең милләттәшләребез яши торган байтак төбәкләрендә балаларга традицион ислам нигезләрен өйрәтү буенча мәдрәсәләр бар. Шундый уку йортлары күп еллар дәвамында Чувашстанда, Мордовиядә, Ульяновск, Пенза, Самара, Саратов өлкәләрендә уңышлы гына эшләп киләләр. Мисал өчен, Ульяновск өлкәсендәге “Биләр” мәдрәсәсе шәкертләре бүген Россиянең егермегә якын төбәгендәге мәчетләрдә имамлык итәләр. Моннан берничә ел элек “Биләр”нең филиалы өлкәнең татарлар күпләп яши торган Иске Кулаткы районында да ачылган иде. Безнең хәбәрчебез Рамис Сафин анда булып мәдрәсәнең эшчәнлеге һәм андагы мөгалллимнәр, шәкертләр белән танышып кайтты.