Татар биюе: кичә, бүген, иртәгә. “Калеб” яңа буын җыены Кариев театрында әнә шундый темага түгәрәк өстәл форматында сөйләшү уздырды. Чарадан безнең репортаж.
Калеб яңа буын җыены яңа проектлар белән сөендерүен дәвам итә. Чираттагысы – теләгән һәр кешене татар биюе нигезләренә өйрәтү. Дәрман бию проекты әнә шул максатны алга куя.Дәресләрне җәй көннәрендә Казан шәһәре парк һәм скверларында уздырырга җыеналар. Сораштырулар күрсәткәнчә, күп яшьләр татар биюе хәрәкәтләрен белмиләр икән. Дәрман бию проекты исә яшьләр арасында татар биюен популярлаштыруны максат итеп куя.
Түгәрәк өстәлдә катнашучылар татар халык биюе ничек килеп чыккан, аның тамырлары кайда, ничек итеп без милли биюбезне дөнья күләмендә таныта алабыз кебек сорауларга җавап эзләде.
