Мәгълум булганча, быел Федераль сабантуй ерак Себернең Нижневартовск шәһәрендә 19 июньдә булачак. Әлеге бәйрәмдә эстафетаны 2022 нче елда чираттагы Федераль Сабантуй узачак Ульяновск өлкәсе кабул итеп ала. Тагын бер елдан булачак бәйрәмгә шактый вакыт булса да, семберлеләр аңа әзерлек эшләрен быелдан ук башлап җибәрде. Шушы көннәрдә генә өлкәнең Хөкүмәт йортында Сабантуйны әзерләү һәм үткәрү буенча оештыру комитетының чираттагы утырышы узды. Татарстан хөкүмәте җитәкчеләре катнашында узган очрашуда яңгыраган кайбер фикер-тәкъдимнәрне Рамис Сафин тыңлап кайтты.