2018 нче елда Россия мәктәпләрендә ана телен укыту буенча зур үзгәрешләр ясап яңалыклар кертелгәннән соң, илебез төбәкләрендә аны мәчет һәм мәдрәсәләрдә дә укыта башладылар. Бу эшкә беренчеләрдән булып Ульяновск өлкәсе кереште. Төбәкнең татар милли-мәдәни автономиясе имамнарга педагогия университетында өстәмә белегечлек бирү буенча шул елны ук өлкә мөфтияте белән килешү төзеде. Бүгенге көндә дистәдән артык мәчетнең яшь имамы әлеге курсларны тәмамлап мәчетләрдә татар теле дәресләре алып бара. Әлеге уңай тәжрибә турында Рамис Сафин бәян итәр.