27 нче март Халыкара театр көнендә Ульяновск шәһәрендә Барый Тарханов исемендәге татар халык театрларының VI нчы төбәкара фестивале тәмамланды. Аның кысаларында өлкәнең татар мәдәнияте Үзәгендә үзешчәннәр өчен һәртөрле остаханәләр оештырылды, иҗат лабораторияләре узды, интерактив күргәзмәләр эшләде. Быелгы фестивальдә Татарстанның Апас, Әтнә, Буа , Чувашстанның Батыр районыннан килгән халык театрлары да семберлеләргә үз эшләрен тәкъдим итте. Фестивальнең барышы һәм анда катнашкан үзешчән сәнгать осталары турында безнең бу төбәктәге үз хәбәрчебез Рамис Сафин бәян итәр.