Ульяновскиның бер төркем татар эшмәкәрләре һәм җирле автономия әгъзалары үзара тәҗрибә уртаклашу, хезмәттәшлек итү һәм якыннан танышу өчен Чувашстанның Батыр районы Шыгырдан авылында булып кайттылар. Семберлеләрнең бу беренче генә эшлекле сәяхәте түгел, узган ел алар Татарстанның берничә районында, Самара өлкәсендә, Мордовия республикасында булып, анда эшмәкәрлек белән кәсеп итүче татар авылларында хәләл ризык җитештерү, фермер хуҗалыкларын һәм гаилә фермаларын оештыру эшчәлеге белән танышып кайттылар.