enrutat
Баш бит / Татар мөһаҗире
Татар мөһаҗире

Татар мөһаҗире

Разил Вәлиев

Татар мөһаҗире

Күпме татар, чит җирләргә китеп,
Тирләр түккән, даннар казанган,
Канатлары канап, каерылса да,
Аерылмаган җаны Казаннан.

Төп Ватаны чөнки шушы җирдә,
Яшәсә дә әллә кайларда.
Татар булып пешеп җитәр өчен
Казаннарда кирәк кайнарга.

Адашмадык язмыш юлларында,
Давылларда сынып аумадык.
Без яңадан илле, җирле булдык,
Без Казанны кабат яуладык.

Мин бәхетле – ил бәхетле булса,
Халкым булса азат, тәхетле.
Мин милләтем – татарларым белән
Бергә чакта гына бәхетле!

Безгә Telegram'да язылыгыз.

Фикер калдырырга

Обязательные поля отмечены *

*