.

.

Мәгариф өлкәсендәге тырышлыклары өчен “Татарстан Республикасының атказанган мәгариф хезмәткәре” исемнәрен Дәүләт Советының Мактаулы Рәисе Фәрит Мөхәммәтшин тапшырды.

“Бүгенге көндә татар теле мөгаллимнәре өстендә торган җаваплылык бик зур. Сез - милләтне үстерүчеләр, татар халкының әйдәп баручы көче. Татар теле укытучылары - алар милләт сакчылары”, - дип билгеләп үтте ул.

Фәрит Мөхәммәтшин  Бөтендөнья “Туган тел” җыенында катнашучы укытучыларга Татарстан Республикасы Рәисе Рөстәм Миңнехановның сәламләү сүзләрен җиткерде.

.

.

Биредә делегатлар гимназия эшчәнлеге белән таныштылар, фәннәрне туган телдә укыту тәҗрибәсе белән уртаклаштылар, физика, геометрия, татар әдәбияты фәннәре буенча татар телендәге дәрес фрагментларын карадылар.

Фатыйха Аитова исемендәге 12нче гимназия татар телендә белем бирүче кызлар мәктәбе буларак билгеле. Биредә кызларга милли тәрбия бирүгә зур игътибар күрсәтелә.

Иң элек делегатлар Каюм Насыйрига багышланган интерактив музей белән таныштылар, китапханәне, Бөек Җиңүнең 80 еллыгына багышланган мемориалны карадылар. Алга таба алар татар теле һәм татар әдәбияты дәресләрен карадылар, остаханәләрдә булдылар.