Бүген, 20 сентябрь, Татарстан Республикасыннан журналистлар төркеме Мари Эл республикасының Бәрәңге районына пресс-турга килделәр. Биредә журналистлар Бәрәңге районы администрациясе башлыгы Әлфит Ибраев белән очраштылар. Әлфит Ибраев журналистларга район тарихы һәм яшәеше турында сөйләде.

Татарстан журналистлары делегациясен Бөтендөнья татар конгрессы ММЧ белән эшләү идарәсе җитәкчесе Гөлназ Шәйхиева җитәкли. Ул Бәрәңге районы җитәкчелегенә җылы каршы алганнары өчен, пресс-турны оештырырга ярдәм иткәннәре өчен рәхмәт әйтте һәм Әлфит Ибраевка истәлекле бүләкләр тапшырды.