Бүген Казанда XVI “Татарстанның эшлекле хезмәттәшләре” форумы старт алды. Форумда Россия Федерациясенең 48 регионыннан һәм 13 чит илдән 300 гә якын эре татар эшмәкәре катнаша.

Бүген форум кысаларында делегатларның бер төркеме Казанның сәнәгать предприятиеләре белән таныштылар. Алар «Завод Таткабель» ҖЧҖ, ICL-Техно, «Нәфис Косметикс» АҖ, «Сафпласт» ҖЧҖ, «Вакууммаш» АҖ, «Энергоразвитие» ИК, «Химград» Технополисы, «Зарница» җитештерү берләшмәсендә булдылар..

Биредә катнашучылар җитештерү процессларын карадылар һәм тәҗрибә уртаклаштылар. Шулай ук алар үзара хезмәттәшлек өчен элемтәләр белән алмаштылар.