“Татарстанның эшлекле хезмәттәшләре” форумына нәтиҗә ясап, Васил Шәйхразиев: “Алабугада үткән форум милләттәшләр, җитәкчеләр белән уртага салып сөйләшү нәтиҗәсендә эффектив эшләп булганны күрсәтте, – диде. – Киләсе елга без эшмәкәрләргә яңа мөмкинлекләр, идеяләр тәкъдим итәргә тиеш. Бу – безнең уртак эш”.

Узган атнада республикада үткән «Татарстанның эшлекле хезмәттәшләре» форумы Россиянең 37 төбәгеннән, 13 илдән 150 татар эшмәкәрен берләштерде. Әлеге җыенның нәтиҗәләре һәм Бөтендөнья татар конгрессының планнары хакында Татарстан Республикасының премьер-министры урынбасары, Милли Шура рәисе Васил Шәйхразиев белән сөйләштек.

29 ноябрь көне Бөтендөнья татар конгрессы киңәйтелгән утырышының пленар өлешендә татар конгрессының рәсми сайты редактор-модераторы Әлфия Миңнуллинага ТР Президенты Указы белән "Татарстан Республикасының Атказанган матбугат һәм массакүләм коммуникацияләр хезмәткәре" дигән мактаулы исем бирелде. Шулай ук бу көнне Татарстан Республикасы Мәдәният министрлыгының күкрәк билгесе белән Бөтендөнья татар конгрессы җитәкчесенең I урынбасары Данис Шакиров, Мәдәният министрлыгының Мактау грамоталары белән Россия Федерациясе төбәкләрендәге татар иҗтимагый берләшмәләре белән эшләү бүлеге баш референты Гөлназ Нигъмәтуллина һәм Бөтендөнья татар конгрессының баш референты Люция Кутузова бүләкләнделәр. Конгресс хезмәткәрләренә әлеге дәрәҗәле бүләкләрне Татарстан Республикасы Премьер-министры урынбасары, Бөтендөнья татар конгрессының Милли шура рәисе Васил Шәйхразиев тапшырды.  30 ноябрь көнне “Татарстанның эшлекле хезмәттәшләре” форумының пленар утырышында Татарстан Республикасы Президенты Р.Н. Миңнеханов Мәгълүмат-аналитика идарәсе җитәкчесе Гөлназ Шәйхиеваны һәм Бөтендөнья татар конгрессының баш референты Илдар Мингәрәевне Рәхмәт сүзе белән бүләкләде.  Бөтендөнья татар конгрессы хезмәткәрләрен әлеге уңышлары белән чын күңелдән тәбрик итәбез.

Сүзем Туфан Миңнуллинның шигырьләренә язылган җырлар китабы турында. "Безгә бер җыр кирәк" исемле үзенчәлекле китап быел ноябрь ахырында Татарстан китап нәшриятында басылып чыкты. Әлеге җыентыкта татар халкының талантлы улы, бөек драматург Туфан Миңнуллинның спектакльләрендә мәңгеләштерелгән 100дән артык җырның тексты белән ноталары урын алган.

Бүген, 29 ноябрь көнне Бөтендөнья татар конгрессында “Татарстанның эшлекле хезмәттәшләре” XII форумы катнашучыларын теркәү башланып китте. Хәзерге вакытта Россиянең 30дан артык регионыннан һәм 11 чит илдән (Әзербайҗан, Болгария, Казакъстан, Кытай, Кыргызстан, Литва, Үзбәкстан, Төркия, Чехия, Эстония, Берләшкән Гарәп Әмирлекләре) 138 катнашучы теркәлде. Бу минутларда да  килгән татар эшмәкәрләрен теркәү дәвам итә.

Көн тәртибендә катнашучылар өчен этномәдәни проектларны тормышка ашыру өчен бирелә торган  хөкүмәт грантларына һәм иҗтимагый оешма теркәү нечкәлекләренә кагылышлы семинар-киңәшмә үткәреләчәк. Төшке аштан соң пленар утырыш узачак. Пленар утырышта Бөтендөнья татар конгрессының эшчәнлегенә йомгак  ясау һәм 2018 елга эш планын кабул итү булачак. Шулай ук программада, «Татар рухы һәм каләм» Бөтенроссия журналистлары һәм массакүләм мәгълүмат чаралары бәйгесе җиңүчеләрен бүләкләү дә каралган.

Әлеге вакытта Россиянең 47 регионыннан (шул исәптән Татарстаннан да) һәм 10 чит илдән  123 катнашучы теркәлү узды. Хәзерге минутларда да  килгән милләттәшләребезне теркәү дәвам итә.

Бүген, 24 ноябрь көнне, Стрежевой шәһәрендә «Әл-Хаят» мәчетенең тантаналы ачылыш бәйрәме булды. Васил Шәйхразиев җыелган мөселманнарны әлеге зур вакыйга белән котлады.

Милли Шура рәисе, Татарстан вице-премьеры Васил Шәйхразиев җитәкләгән делегация эшлекле сәфәр белән Томск өлкәсенә килде. Шәһәр администрациясе бинасында татарстанлыларны Стрежевой шәһәре мэры Валерий Харахорин каршы алды.

Милли Шура рәисе җитәкләгән делегация Нижневартовск шәһәренең татар җәмәгатьчелеге активы белән очрашты. Очрашуда милли-мәдәни багланышларны яңа үрләргә күтәрү, икеяклы хезмәттәшлекне җәелдерү һәм башка мәсьәләләр буенча сөйләшүләр алып барылды. Нижневартовск шәһәре татарларыннан тыш, очрашуда Хант-Манси — Югра автономияле округының Мегион, Сургут һ.б. шәһәрләренең татар оешмалары җитәкчеләре дә катнашты.