“Дөнья” студиясендә кунакта яшь шагыйрә Адилә Әхмәтҗанова. Арча районында туып үскән кыз бүген уңышлы гына иҗат итеп шигърият дөньясында үз сукмагын сала. Мин авыл баласы ди ул үзе турында. Шуңа күрә белем алганнан соң да шәһәргә китмәгән. Адилә Арчада китапханәче булып эшли. Тапшыруда яшь шагыйрә үзенең иҗатка килү юлы, ни өчен авылда калуы турында сөйли. Бүген танылган шагыйрь булу өчен нинди булырга кирәкле хакында һәм башка күп кенә кызыклы фикерләрен җиткерә.